The 7 habbits of highly effective people: Infographics Edition

Stephen R. Covey ရဲ့ ကမ္ဘာကျော် “The 7 Habits of Highly Effective People” စာအုပ်ဟာ လူတိုင်းဖတ်သင့်တဲ့ စာအုပ်ကောင်းတစ်အုပ်ဖြစ်ပေမဲ့ စာသားတွေအများကြီးကို ဖတ်ရမှာ ပျင်းသူတွေအတွက် Infographics Edition က အကောင်းဆုံး အဖြေတစ်ခု ဖြစ်ပါတယ်။

ဒီစာအုပ်အကြောင်းကို စိတ်ဝင်စားဖွယ် ဖော်ပြပေးလိုက်ပါတယ် –

စာအုပ်အညွှန်း- စွမ်းဆောင်ရည်မြင့်မားသူတို့ရဲ့ အလေ့အကျင့် (၇) ခု (ရုပ်ပြဗားရှင်း)

ဒီစာအုပ်ဟာ လူတစ်ယောက်ရဲ့ အတွေးအခေါ်နဲ့ ဘဝနေထိုင်မှုပုံစံကို အခြေခံကစပြီး ပြောင်းလဲပေးနိုင်တဲ့ လက်စွဲကျမ်းတစ်ခုပါ။ “Infographics Edition” ဖြစ်တဲ့အတွက် ရှုပ်ထွေးတဲ့ သီအိုရီတွေကို နားလည်ရလွယ်ကူတဲ့ ရုပ်ပုံများ၊ ဇယားများ၊ ကာတွန်းသရုပ်ဖော်ပုံများနဲ့ တင်ပြထားတာကြောင့် တစ်သက်လုံး မှတ်မိနေစေမှာ ဖြစ်ပါတယ်။

စာအုပ်ထဲက စိတ်ဝင်စားဖွယ် အချက်အလက်များ

ဒီစာအုပ်မှာ ပါဝင်တဲ့ အလေ့အကျင့် (၇) ခုကို အပိုင်း (၃) ပိုင်းနဲ့ စနစ်တကျ ခွဲခြားပြသထားပါတယ်-

၁။ မိမိကိုယ်ကို အောင်နိုင်ခြင်း (Private Victory):

• Habit 1: Be Proactive (တက်ကြွစွာ တုံ့ပြန်ဆောင်ရွက်ခြင်း) – ပတ်ဝန်းကျင်ကို အပြစ်မတင်ဘဲ မိမိရဲ့ တုံ့ပြန်မှုကို မိမိကိုယ်တိုင် ရွေးချယ်တတ်စေဖို့။

• Habit 2: Begin with the End in Mind (ပန်းတိုင်ကို ကြိုတင်မြင်ယောင်ခြင်း) – တစ်ခုခုကို မလုပ်ခင် ရလဒ်က ဘာဖြစ်မလဲဆိုတာကို ကြိုတင်ပုံဖော်ဖို့။

• Habit 3: Put First Things First (အရေးကြီးတာကို အရင်လုပ်ခြင်း) – အရေးမကြီးတဲ့ အလုပ်တွေထဲမှာ အချိန်မကုန်ဘဲ ဦးစားပေးအဆင့် သတ်မှတ်တတ်ဖို့။

၂။ အများနဲ့ အောင်မြင်အောင် လုပ်ဆောင်ခြင်း (Public Victory):

• Habit 4: Think Win-Win (နှစ်ဦးနှစ်ဖက် အကျိုးရှိအောင် ကြံဆောင်ခြင်း) – ငါနိုင်မှ သူရှုံးရမယ်ဆိုတဲ့ စိတ်ဓာတ်ထက် အားလုံးအဆင်ပြေမယ့် နည်းလမ်းကို ရှာဖွေဖို့။

• Habit 5: Seek First to Understand, Then to be Understood (အရင်နားလည်အောင် ကြိုးစားပြီးမှ နားလည်မှုကို ရယူခြင်း) – သူတစ်ပါးစကားကို အမှန်တကယ် နားထောင်တတ်ဖို့။

• Habit 6: Synergize (အင်အားစုပေါင်း အကျိုးပြုခြင်း) – တစ်ယောက်တည်းထက် အသင်းအဖွဲ့နဲ့ ပေါင်းစပ်ပြီး ပိုမိုကောင်းမွန်တဲ့ ရလဒ်တွေ ထုတ်လုပ်ဖို့။

၃။ အမြဲတမ်း တိုးတက်နေစေခြင်း (Renewal):

• Habit 7: Sharpen the Saw (လွှကို သွေးခြင်း) – မိမိရဲ့ ကိုယ်၊ စိတ်၊ ဝိညာဉ်နဲ့ ပညာရပ်တွေကို အစဉ်အမြဲ အဆင့်မြှင့်တင်နေဖို့။