Fourth Wing by Rebecca Yarros

Violet Sorrengail (ဗိုင်လက် ဆိုရင်းဂေးလ်) အသက် ၂၀ နှစ်ရှိပြီဖြစ်တဲ့ သူမက Scribe Quadrant ဆိုတဲ့ စာအုပ်များ၊ သမိုင်းကြောင်းများ ဝန်းရံနေတဲ့ ငြိမ်းချမ်းတဲ့ ဘဝကို ရွေးချယ်ထားခဲ့တယ်။ ဒါပေမယ့် စစ်တပ်အထွတ်အထိပ်ချုပ်ကိုင်သူ၊ တနည်းအားဖြင့် ခက်ထန်ကြမ်းတမ်းတဲ့ သူ့ရဲ့ မိခင်ကိုယ်တိုင်က Violet ကို Navarre နိုင်ငံရဲ့ အထွဋ်အမြတ်ဆုံးဖြစ်တဲ့ dragon rider (နဂါးစီးရဲဘော်များ) ဖြစ်ဖို့ ယှဉ်ပြိုင်နေကြတဲ့ ကိုယ်စားလှယ်လောင်း ရာနှင့်ချီရှိတဲ့သူများထဲကို ဝင်ရောက်စေဖို့ အမိန့်ပေးလိုက်ပါတယ်။

အခြားသူတွေထက် ခန္ဓာကိုယ်ငယ်ငယ်ပြီး ရိုးရိုးသက်သက် အားနည်းနေတဲ့ Violet အတွက်တော့ သေခြင်းတရားဟာ နှလုံးသားခုန်တစ်ချက်ခြားလောက်နဲ့ နီးနေပါတယ်။ ဘာကြောင့်လဲဆိုတော့ နဂါးများဟာ “အားနည်းသူ” လူသားများနဲ့ ချိတ်ဆက်ဖွဲ့စည်းလေ့ မရှိသလို၊ အဲဒီလို လူများကိုတော့ ပြာချသွားစေတတ်ကြလို့ပါ။ ချိတ်ဆက်ဖို့ သဘောတူတဲ့ နဂါးအရေအတွက်က ကိုယ်စားလှယ်လောင်းအရေအတွက်ထက် နည်းနေတာကြောင့် ကျောင်းသားအများစုက မိမိတို့ အောင်မြင်ရေးအခွင့်အလမ်း ပိုကောင်းအောင် Violet ကို သတ်ပစ်ဖို့ကိုတောင် အဆင်သင့်ရှိကြပါတယ်။ ကျန်တဲ့သူများကလည်း Violet ဖြစ်နေတာအတွက်ပဲ သတ်ပစ်ချင်ကြပါတယ်။

New York Times Bestseller စာရင်းဝင် စာရေးဆရာမ Rebecca Yarros (ရီဘက္ကာ ရာရော့စ်) ရေးသားထားတဲ့ Empyrean စီးရီးရဲ့ ပထမဆုံးအုပ်ဖြစ်တဲ့ ဒီစာအုပ်ဟာ ရက်စက်ကြမ်းကြုတ်တဲ့ dragon rider စစ်ကျောင်းကမ္ဘာထဲကို ခေါ်ဆောင်သွားမှာဖြစ်ပြီး၊ စိတ်လှုပ်ရှားစရာ အချစ်ဇာတ်လမ်း၊ စွန့်စားခန်းနှင့် ဒဏ္ဍာရီဆန်တဲ့ အကြောင်းအရာများ ပေါင်းစပ်ထားတာကြောင့် ဖတ်ရှုသူများကို စာမျက်နှာတိုင်းမှာ စိတ်လှုပ်ရှားစေမှာ ဖြစ်ပါတယ်။