Lord of Mysteries Vol.3 Light Novel

“The Clown” ဇာတ်ကြောင်းရဲ့ နိဂုံး — Tingen မြို့ပေါ် ကျရောက်လာတဲ့ အမှောင်ကို Klein ရင်ဆိုင်ရတော့မယ်

တရုတ် web novel လောကမှာ အအောင်မြင်ဆုံး စာအုပ်တွေထဲက တစ်အုပ်ဖြစ်ပြီး anime အဖြစ်ပါ ရိုက်ကူးခံရတဲ့ Lord of Mysteries ရဲ့ အင်္ဂလိပ်ဘာသာပြန် light novel တတိယတွဲပါ။ ဒီတွဲက “The Clown, Part III” ဖြစ်ပြီး Vol.1 ကနေ စခဲ့တဲ့ ပထမဇာတ်ကြောင်းကြီးရဲ့ အဆုံးသတ်ပါ။ ရေနွေးငွေ့စက်တွေနဲ့ မှော်ပညာ အတူရှိတဲ့ Victorian ခေတ်ဆန်ဆန် ကမ္ဘာထဲကို ရောက်လာပြီး Klein Moretti အဖြစ် အသက်ရှင်နေရတဲ့ Zhou Mingrui ဟာ အခုဆို Tingen မြို့ရဲ့ Nighthawks အဖွဲ့ဝင်တစ်ယောက်အနေနဲ့ အတော်လေး ကျွမ်းကျင်လာပါပြီ။

ဒါပေမယ့် ဒီတွဲမှာ လေထုက ပြောင်းသွားပါတယ်။ မကောင်းဆိုးဝါး နတ်ဘုရားတစ်ပါးရဲ့ အမွေခံက မမွေးဖွားခင်ကတည်းက အော်သံပေးနေပြီး Nighthawks တွေကတော့ တိတ်ဆိတ်နေကြပါတယ်။ ချောက်နက်ထဲက စိုက်ကြည့်နေတဲ့ မျက်လုံးတွေ၊ ကြောက်မက်ဖွယ် တီးတိုးသံတွေက ကောင်းချီးလား ကျိန်စာလား ဘယ်သူမှ မသိပါဘူး။ အရင်နှစ်တွဲမှာ တစ်ခုချင်း ဖြေရှင်းခဲ့တဲ့ အမှုလေးတွေရဲ့ နောက်ကွယ်က ကြိုးတွေ ဒီမှာ တစ်ခုတည်းအဖြစ် ဆုံလာပြီး ကြေကွဲစရာ ဖြစ်ရပ်တစ်ခုဆီ ဦးတည်သွားပါတယ်။

Lord of Mysteries ကို ပရိသတ်တွေ ချစ်ကြတာက Beyonder တွေရဲ့ Sequence စနစ်၊ ဆေးရည်သောက်ပြီး အဆင့်တက်ရတဲ့ စည်းမျဉ်းတွေ၊ Tarot Club လို လျှို့ဝှက်အဖွဲ့တွေကို အသေးစိတ် တည်ဆောက်ထားတာရယ်၊ cosmic horror ရဲ့ ခြောက်ခြားမှုကို စုံထောက်ဇာတ်လမ်းနဲ့ ပေါင်းထားတာရယ်ကြောင့်ပါ။ ဒီတွဲမှာတော့ အဲ့ဒါတွေအပြင် Klein နဲ့ သူ့လုပ်ဖော်ကိုင်ဖက်တွေကြားက သံယောဇဉ်ကိုပါ ခံစားရမှာမို့ စီးရီးတစ်ခုလုံးမှာ စာဖတ်သူတွေ အမှတ်ရဆုံး အခန်းတွေ ပါတဲ့ တွဲလို့ ပြောကြပါတယ်။

ဇာတ်လမ်းက အရင်တွဲတွေကနေ တိုက်ရိုက်ဆက်တာမို့ Vol.1 ကနေ အစဉ်လိုက် ဖတ်ဖို့ လိုပါတယ်။ Vol.1 နဲ့ Vol.2 ကိုလည်း ဆိုင်မှာ ရနိုင်ပါတယ်။ Fantasy၊ စုံထောက်၊ horror နဲ့ ကမ္ဘာတည်ဆောက်မှု ကောင်းတဲ့ ဇာတ်လမ်းရှည်တွေကို ကြိုက်တဲ့သူတွေအတွက် ရွေးထားပေးပါတယ်။