Princess Juniper of the hourglass

ဤရာဇဝင်စွန့်စားခန်းပုံပြင်တွင် Princess Juniper (ဂျူနီပါ) သည် နိုင်ငံတစ်ခုကို အုပ်ချုပ်ရခြင်း၏ အဓိပ္ပာယ်ကို သင်ယူရပါသည်။ မင်းသမီးများကိုလည်း ကြိုက်နှစ်သက်ပြီး စွန့်စားခန်းကိုလည်း နှစ်သက်သော မိန်းကလေးငယ်များအတွက် အလွန်သင့်တော်သည့် ဇာတ်လမ်းတစ်ပုဒ် ဖြစ်ပါသည်။ မိမိအသက် ၁၃ နှစ်ပြည့် နာမည်ပေးနေ့တွင် Juniper လိုချင်သည်မှာ မိမိပိုင် နိုင်ငံငယ်လေးတစ်ခုသာ ဖြစ်သည်။

နိုင်ငံတွင် မငြိမ်မသက်မှုများ စတင်ပေါ်ပေါက်လာသောအခါ Juniper ၏ ဖခမည်းတော်ဘုရင်မှ သမီးတော်၏ဆန္ဒကို ဖြည့်ဆည်းပေးကာ အေးချမ်းသာယာသည့် Hourglass Mountains ၏ ထောင့်ကလေးတစ်နေရာသို့ စေလွှတ်လိုက်သည်။ သို့သော် နွေရာသီတစ်ခုအတွက်ပင်ဖြစ်စေ နိုင်ငံငယ်ကလေးတစ်ခုကို အုပ်ချုပ်ရခြင်းမှာ သူထင်ထားသထက် ပိုခက်ခဲကြောင်း Juniper သိရှိလာရသည်။ အထူးသဖြင့် ဝမ်းကွဲမောင် Cyril (ဆီရစ်) က သူ၏အာဏာကို စိန်ခေါ်လာသောအခါ ပိုဆိုးလာသည်။

သို့ရာတွင် အခက်ခဲဆုံးအခန်းကမူ ရှေ့တွင်ရှိနေသေးသည်။ ဖခမည်းတော်၏နိုင်ငံတော်သည် စစ်မက်အတွင်း ရောက်နေပြီဖြစ်ကြောင်း Juniper နှင့်သူ၏မိတ်ဆွေများ သိရှိလာကြသည်။ ဘေးကင်းလုံခြုံစွာ နေနိုင်ရန် တစ်ခုတည်းသောနည်းလမ်းမှာ စီစဉ်ထားသည်ထက် ပိုကြာရှည်စွာ Hourglass Mountains တွင် ဆက်နေရန်ဖြစ်သည်။ နောက်ဆုံးတွင် Juniper မှာ မိမိပိုင်နိုင်ငံ ရရှိသွားကောင်း ရရှိသွားနိုင်သည်… သို့သော် ၎င်းသည် Torr နိုင်ငံတော်အတွက် မည်သို့သော အဓိပ္ပာယ်ဆောင်မည်နည်း။