Solo Leveling Vol.6 English Version Manga (Black and White)

ဇာတ်လမ်းလေးသည် ကမ္ဘာကြီးနှင့် မကောင်းဆိုးဝါးများရှိရာ အခြားကမ္ဘာတစ်ခုကို ဆက်သွယ်ပေးလိုက်သည့် “Gates (ဂိတ်စ် – တံခါးပေါက်များ)” ပွင့်လာပြီးနောက်၊ ထိုဂိတ်များထဲမှ မကောင်းဆိုးဝါးများကို လိုက်လံနှိမ်နင်းရသည့် စွမ်းအားရှင် မုဆိုး (Hunters) များ ပေါ်ပေါက်လာသည့် ခေတ်သစ်ကာလတစ်ခုမှ စတင်ပါသည်။ ဇာတ်လိုက်ဖြစ်သူ Sung Jin-Woo (ဆောင်းဂျင်ဝူး) ဟာ ဖျားနာနေတဲ့ အမေဖြစ်သူရဲ့ ဆေးကုသစရိတ်နဲ့ ညီမလေးရဲ့ ကျောင်းစရိတ်အတွက် အသက်အန္တရာယ်ကို ရင်ဆိုင်ပြီး မုဆိုးအလုပ်ကို လုပ်ကိုင်နေရသူပါ။ ဒါပေမဲ့ သူဟာ အားအနည်းဆုံး E-Rank မုဆိုးတစ်ယောက် ဖြစ်တာကြောင့် အောက်ခြေအဆင့် Dungeon (မြေအောက်ဂူ) လေးတွေမှာတောင် ဒဏ်ရာအပြင်းအထန် ရတတ်သူ ဖြစ်ပါတယ်။

တစ်နေ့မှာတော့ ဂျင်ဝူးဟာ အဖွဲ့ဝင်များနှင့်အတူ အဆင့်နိမ့်ဂူတစ်ခုထဲ ဝင်ရောက်ခဲ့ရာမှ အလွန်ကြောက်မက်ဖွယ်ကောင်းပြီး လျှို့ဝှက်ဆန်းကြယ်လှသည့် “Double Dungeon (နှစ်ထပ်ဂူ)” ထဲသို့ မတော်တဆ ရောက်ရှိသွားခဲ့ပါတော့တယ်။ ထိုဂူထဲရှိ နတ်ဘုရားရုပ်ထုကြီးများ၏ သွေးပျက်စရာ ကောင်းလှသည့် တိုက်ခိုက်မှုကြောင့် အဖွဲ့ဝင်အများစု သေဆုံးခဲ့ရပြီး ဂျင်ဝူးလည်း သေအံဆဲဆဲ အခြေအနေသို့ ရောက်ရှိသွားခဲ့သည်။

သူ့ရဲ့နောက်ဆုံးထွက်သက်အချိန်မှာပဲ သူ့မျက်စိရှေ့တွင် လျှို့ဝှက်ဆန်းကြယ်သော Log-in Screen တစ်ခု ပေါ်လာပြီး “Player (ကစားသမား)” အဖြစ် လက်ခံမလားဟူသည့် မေးခွန်းကို သဘောတူလိုက်ရာမှ ဂျင်ဝူးတစ်ယောက် ဆေးရုံပေါ်တွင် ပြန်လည်နိုးထလာခဲ့သည်။ ဆန်းပြားသည်မှာ သူတစ်ယောက်တည်းသာ မြင်တွေ့နေရသည့် ဂိမ်းကဲ့သို့ စနစ် (System) တစ်ခုကို ပိုင်ဆိုင်သွားခြင်း ဖြစ်သည်။ နေ့စဉ်ပေးထားသည့် Quest (တာဝန်) များကို လုပ်ဆောင်ခြင်း၊ မကောင်းဆိုးဝါးများကို တစ်ယောက်တည်း အနိုင်တိုက်ခြင်းဖြင့် ကမ္ဘာပေါ်တွင် မည်သည့်မုဆိုးမှ မလုပ်ဆောင်နိုင်သည့် “Level မြှင့်တင်ခြင်း” နှင့် “စွမ်းရည်အသစ်များ ရယူခြင်း” ကို ဂျင်ဝူးတစ်ဦးတည်း လုပ်ဆောင်နိုင်ခွင့် ရရှိသွားပါတော့တယ်။ အောက်ခြေအဆင့် မုဆိုးလေးဘဝကနေ ကမ္ဘာကြီးကို ကာကွယ်မည့် အားအကောင်းဆုံး အရိပ်ဘုရင် (Shadow Monarch) ဖြစ်လာမည့် ဂျင်ဝူး၏ ခရီးစဉ်ကို ရင်ခုန်စိတ်လှုပ်ရှားစွာ ဖတ်ရှုရမည် ဖြစ်သည်။

၁။ ပြိုင်ဘက်ကင်း အနုပညာလက်ရာ (Breathtaking Artwork): ကွယ်လွန်သူ ပန်းချီဆရာကြီး DUBU ၏ ထူးခြားပြောင်မြောက်လှသည့် ပန်းချီလက်ရာများသည် ဤမန်ဟွာကို ကမ္ဘာကျော်စေခဲ့သည့် အဓိကသော့ချက် ဖြစ်ပါတယ်။ တိုက်ပွဲအခန်းများ၏ အရှိန်အဟုန်၊ စုန်းပြာရောင် အရိပ်စစ်တပ်ကြီးများ၏ အားမာန်နှင့် ဇာတ်ကောင် ဂျင်ဝူး၏ ရုပ်ပိုင်းဆိုင်ရာ ပြောင်းလဲလာမှုများကို စာမျက်နှာတိုင်းတွင် သက်ရှိထင်ရှားအတိုင်း ကွက်ကွက်ကွင်းကွင်း အမိုက်စား မြင်တွေ့ရမှာ ဖြစ်ပါတယ်။ ၂။ စိတ်ကျေနပ်မှုအပြည့်ပေးနိုင်သော Power Fantasy: အနိုင်ကျင့်ခံ၊ အောက်ခြေဘဝကနေ မိမိရဲ့ ကြိုးစားမှု (System ရဲ့ လေ့ကျင့်ခန်းများ) ကြောင့် တစ်ဆင့်ချင်းစီ အစွမ်းထက်လာပြီး ရန်သူများကို ဗျူဟာမြောက် ချေမှုန်းပြသည့် ဇာတ်ကွက်များက စာဖတ်သူကို အလွန်ပင် စိတ်ကျေနပ်မှု (Satisfaction) ပေးစွမ်းနိုင်ပါတယ်။ ၃။ “Arise” ဟူသည့် ဂန္ထဝင်စကားစုနှင့် စစ်တပ်ကြီး: ဂျင်ဝူးက သူသတ်လိုက်သည့် ရန်သူများကို သူ့အတွက် ပြန်လည်တိုက်ခိုက်ပေးမည့် အရိပ်စစ်သည်များအဖြစ် ပြောင်းလဲကာ “Arise” (ထလော့) ဟု အမိန့်ပေးသည့်အခန်းများမှာ ဝဘ်တွန်းလောကတွင် သမိုင်းတွင်လောက်အောင် လူကြိုက်များ ရေပန်းစားခဲ့သည်။