The Do-Over by Lynn Painter

အဆိုးဆုံး Valentine’s Day ကို ထပ်ခါထပ်ခါ ပြန်ဖြတ်သန်းနေရတဲ့ မိန်းကလေးရဲ့ ရယ်စရာ ရင်ခုန်စရာ ဇာတ်လမ်း

The Do-Over ဟာ Better Than the Movies နဲ့ Nothing Like the Movies တို့ကြောင့် နာမည်ကြီးလာတဲ့ Lynn Painter ရဲ့ ၂၀၂၂ ခုနှစ်ထုတ် YA romantic comedy ဝတ္ထုပါ။ Groundhog Day ရုပ်ရှင်လို time loop ဇာတ်ကွက်ကို ဆယ်ကျော်သက် အချစ်ဇာတ်လမ်းနဲ့ ပေါင်းစပ်ထားတာ ဖြစ်ပြီး New York Times Bestseller စာရင်းလည်း ဝင်ခဲ့ပါတယ်။

ဆယ့်ခြောက်နှစ်အရွယ် Emilie Hornby အတွက် ဒီနှစ် Valentine’s Day က အကြီးအကျယ် ကံဆိုးတဲ့နေ့ပါ။ ချစ်သူ Josh က သူ့ရည်းစားဟောင်းနဲ့ နမ်းနေတာကို မြင်လိုက်ရတယ်၊ စိတ်ကောက်တတ်တဲ့ chemistry partner Nick ရဲ့ ကားနောက်ကို ဝင်တိုက်မိတယ်၊ ရည်မှန်းထားတဲ့ journalism ပညာသင်ဆုလည်း လွတ်သွားတယ်။ ဒါတွေကြားက အဘွားအိမ်မှာ အိပ်ပျော်သွားပြီး နောက်တစ်နေ့ နိုးလာတော့ … ဒီဆိုးရွားလှတဲ့ Valentine’s Day ကိုပဲ ပြန်စရပြန်ပါတယ်။

ဟာသတွေ ပြည့်နေပေမယ့် မိဘနှစ်ပါး ကွာရှင်းမှုကြောင့် ခံစားနေရတဲ့ Emilie ရဲ့ ဒဏ်ရာ၊ ကိုယ့်ကိုယ်ကို ယုံကြည်မှု ပြန်ရှာဖွေရပုံကိုလည်း နူးညံ့စွာ ရေးထားလို့ ရယ်ရင်းနဲ့ ရင်ထဲထိရပါတယ်။ enemies-to-lovers ဇာတ်လမ်း ကြိုက်သူ၊ Lynn Painter ရဲ့ တခြားစာအုပ်တွေ ဖတ်ပြီးသူ၊ ပေါ့ပေါ့ပါးပါး ရင်ခုန်စရာ ဖတ်ချင်သူတွေအတွက် အထူးသင့်တော်ပါတယ်။