The Red Path (Warhammer 40,000) by Chris Dows

ဘယ်သူ့ရှေ့မှ ဒူးမထောက်တဲ့ Khârn the Betrayer — သွေးနဲ့ခင်းတဲ့ “အနီရောင်လမ်း” ပေါ်က ဇာတ်လမ်း

Warhammer 40,000 ကမ္ဘာမှာ Khârn the Betrayer ဆိုတဲ့ နာမည်ကို မကြားဖူးသူ မရှိသလောက်ပါ။ သွေးနတ်ဘုရား Khorne ရဲ့ လက်ရွေးစင်၊ World Eaters တပ်မတော်ရဲ့ အကြောက်စရာအကောင်းဆုံး စစ်သည်၊ ရန်သူရော မိတ်ဆွေရော မခွဲခြားဘဲ ခုတ်တတ်လို့ “သစ္စာဖောက်” လို့ နာမည်တွင်တဲ့သူပါ။ ဒီစာအုပ်မှာ Khârn ဟာ berzerker တပ်ဖွဲ့ငယ်တစ်ခုကို ဦးဆောင်ပြီး The Red Path လို့ခေါ်တဲ့ လမ်းကို လိုက်နေပါတယ်။ အဲ့ဒီလမ်းပေါ်မှာ ရပ်နေသူတိုင်းအတွက်တော့ တိုက်ပွဲနဲ့ သွေးပဲ ရှိပါတယ်။

အချိန်ကာလက Abaddon the Despoiler ရဲ့ Thirteenth Black Crusade ဂလက်ဆီကို လွှမ်းနေချိန်ပါ။ Warmaster Abaddon က Khârn ရဲ့ အင်အားနဲ့ ရက်စက်မှုကို ကိုယ့်စစ်ပွဲအတွက် အသုံးချချင်ပေမယ့် Khorne ရဲ့ လက်ရွေးစင်က အလွယ်တကူ ဒူးထောက်မယ့်သူ မဟုတ်ပါဘူး။ ငြင်းဆန်လိုက်တဲ့အခါ Khârn ရဲ့လမ်းက Imperium နဲ့တင်မကဘဲ Abaddon ရဲ့ Black Legion နဲ့ပါ ထိပ်တိုက်တွေ့ရတဲ့လမ်း ဖြစ်သွားပါတယ်။

စာအုပ်ကို မူလက အပိုင်းရှစ်ပိုင်း ခွဲထုတ်ခဲ့ပြီး (Furnaces of Haeleon, Will of the Blood God, Abaddon Denied, Blood Vision, Wrath of the Emperor, Disciples of Khârn, Skulls of Salandraxis, Court of the Daemons) နောက်မှ ဝတ္ထုတစ်အုပ်အဖြစ် ပေါင်းထားတာမို့ အခန်းတစ်ခန်းစီက တိုက်ပွဲတစ်ပွဲစီလို မြန်မြန်ဆန်ဆန် ဖတ်လို့ကောင်းပါတယ်။ Khârn နောက်ကို လိုက်နေတဲ့ စစ်သည်တွေရဲ့ မျက်စိကနေ ကြည့်ရတာမို့ ဒီလူကို ဘာကြောင့် ကြောက်လည်းကြောက်၊ ကိုးကွယ်လည်း ကိုးကွယ်ကြသလဲဆိုတာ မြင်ရပါလိမ့်မယ်။

အစအဆုံး အက်ရှင်ပြည့်တဲ့ စာအုပ်ဖြစ်ပြီး သွေးထွက်သံယို အကြမ်းဖက်မှု ပြင်းပြင်းထန်ထန် ပါတာမို့ လူကြီးစာဖတ်သူတွေအတွက် ပိုသင့်တော်ပါတယ်။ Chaos Space Marines နဲ့ World Eaters ကို ကြိုက်တဲ့သူတွေအတွက် ရွေးထားပေးပါတယ်။ ဆိုင်မှာ Khârn ရဲ့ Horus Heresy ခေတ်ဇာတ်လမ်း Betrayer နဲ့ Chaos ဘက်က မြင်ကွင်းကို ရေးထားတဲ့ Night Lords: The Omnibus တို့လည်း ရနိုင်ပါတယ်။