Coraline by Neil Gaiman

• ဇာတ်လမ်းလေးဟာ အရာရာကို စူးစမ်းချင်စိတ်ပြင်းပြပြီး ပတ်ဝန်းကျင်ကို ငြီးငွေ့နေတဲ့ Coraline Jones ဆိုတဲ့ မိန်းကလေးငယ်လေးတစ်ဦးအကြောင်း ဖြစ်ပါတယ်။ သူမဟာ မိဘနှစ်ပါးနဲ့အတူ အခန်းပေါင်းများစွာရှိတဲ့ အိမ်ကြီးတစ်အိမ်ကို ပြောင်းရွှေ့လာခဲ့ပါတယ်။ မိဘတွေကလည်း စာရေးတဲ့အလုပ်တွေနဲ့ အမြဲအလုပ်ရှုပ်နေပြီး သူမကို ဂရုမစိုက်နိုင်ကြပါဘူး။

  ပျင်းပျင်းရှိတာနဲ့ အိမ်ကြီးအနှံ့ လျှောက်လည်စူးစမ်းရင်း… တစ်နေ့မှာတော့ ဧည့်ခန်းထောင့်က နောက်ခံအုတ်တံတိုင်းပဲရှိတဲ့ လျှို့ဝှက်တံခါးအသေးလေးတစ်ခုကို ဖွင့်မိသွားပါတယ်။ ထူးဆန်းတာက အဲဒီနေ့မှာ အုတ်တံတိုင်းက ပျောက်ကွယ်နေပြီး မှောင်မိုက်တဲ့ စ္စကြဝဠာတစ်ခုဆီကို ဦးတည်နေတဲ့ လမ်းကြောင်းတစ်ခု ဖြစ်နေခဲ့ပါတယ်။ Coraline တစ်ယောက် အဲဒီလမ်းအတိုင်း လျှောက်သွားရာကနေ သူမရဲ့အိမ်နဲ့ ပုံစံတူ၊ ဒါပေမဲ့ ပိုပြီးတောက်ပ၊ ပိုပြီးပျော်စရာကောင်းတဲ့ “အခြားကမ္ဘာတစ်ခု” (Other World) ဆီ ရောက်ရှိသွားပါတော့တယ်။

  အဲဒီကမ္ဘာမှာ သူမကို အလိုလိုက်ပြီး အရသာရှိတဲ့ မုန့်တွေလုပ်ပေးမယ့် “အခြားအမေ” (Other Mother) နဲ့ “အခြားအဖေ” (Other Father) တို့ ရှိနေကြပါတယ်။ ဒါပေမဲ့ ကြောက်စရာကောင်းတာက အဲဒီကမ္ဘာက လူတွေအားလုံးရဲ့ မျက်လုံးတွေနေရာမှာ “အင်္ကျီကြယ်သီးအမည်းရောင်ကြီးတွေ” တပ်ဆင်ထားတာပါပဲ။ အစပိုင်းမှာတော့ Coraline ဟာ ဒီကမ္ဘာကြီးကို သဘောကျနေခဲ့ပေမယ့် “အခြားအမေ” က သူမကို ဒီကမ္ဘာမှာ ထာဝရနေထိုင်ဖို့အတွက် မျက်လုံးတွေကို ထုတ်ပြီး ကြယ်သီးတွေနဲ့ အစားထိုးချုပ်လုပ်ခွင့်တောင်းလာတဲ့အခါမှာတော့… ဒါဟာ ပျော်စရာကမ္ဘာမဟုတ်ဘဲ သွေးအေးလှည့်စားထားတဲ့ ထောင်ချောက်တစ်ခုဖြစ်ကြောင်း ရိပ်မိသွားပါတော့တယ်။ ကိုရလိုင်းတစ်ယောက် စုန်းမကြီးရဲ့ လက်ခုပ်ထဲကနေ ရုန်းထွက်ပြီး ဖမ်းဆီးခံထားရတဲ့ မိဘအရင်းတွေကို ဘယ်လိုကယ်တင်မလဲဆိုတာ ရင်တထိတ်ထိတ် ဖတ်ရှုရမှာ ဖြစ်ပါတယ်။

  ၁။ ရင်သပ်ရှုမောဖွယ် စိတ်ကူးစိတ်သန်း (Dark Fantasy): တံခါးငယ်လေးရဲ့ အခြားတစ်ဖက်က မျက်လုံးနေရာမှာ ကြယ်သီးတပ်ထားတဲ့ လူသားတုတွေ၊ စကားပြောတတ်တဲ့ ကြောင်နက်ကြီးနဲ့ အမှောင်ထုကမ္ဘာရဲ့ ဖန်တီးပုံတွေဟာ စာဖတ်သူကို ဆွဲဆောင်မှုအပြည့် ပေးစွမ်းနိုင်ပါတယ်။ ၂။ ရဲရင့်ခြင်းရဲ့ အဓိပ္ပာယ်အစစ်အမှန်: ကိုရလိုင်းက “မင်း ကြောက်နေရက်သားနဲ့ အမှန်တရားအတွက် မဖြစ်မနေ ဆက်လုပ်ရတာဟာ တကယ့်ရဲရင့်ခြင်းပဲ” ဆိုတဲ့အသိကို ပေးပြီး လူငယ်တွေအတွက် စိတ်ခွန်အား ဖြစ်စေပါတယ်။ ၃။ မိသားစုရဲ့ တန်ဖိုးကို သိမြင်စေခြင်း: ကိုယ့်အပေါ် အမြဲဆူပူအလုပ်ရှုပ်နေတတ်တဲ့ မိဘတွေရဲ့ နောက်ကွယ်က တကယ့်မေတ္တာတရားကို ခွဲခွာရခါနီးမှ ပိုမိုနားလည်သွားပုံကို သင်ခန်းစာရဖွယ် ပုံဖော်ထားပါတယ်။

၎

င

၎

၎

၎

င

၎

၎

၎

င

၎

၎

၎

င

၎

၎