House of Hollow B&W

New York Times Bestseller နှင့် Indie Bestseller စာရင်းဝင် ဤဝတ္ထုသည် ညဘက်တွင် ဆိုးယုတ်သောအရာများ တကယ်ပင် ရှင်သန်လှုပ်ရှားလာတတ်သည်ဟု ယုံကြည်စေသော အမှောင်ထုထဲက ပုံပြင်တစ်ပုဒ်ဖြစ်သည်။ Iris Hollow (အိုင်ရစ်) နှင့် သူ၏ အစ်မနှစ်ဦးဖြစ်သော Grey (ဂရေး) နှင့် Vivi (ဗီဗီ) တို့သည် တစ်မူထူးခြားသော ညီအစ်မများ ဖြစ်ကြသည်။ ကလေးဘဝက Scotland ၏ မြို့ပြလမ်းတစ်လမ်းပေါ်တွင် ရုတ်တရက် ပျောက်ဆုံးသွားပြီး တစ်လအကြာတွင် ဖြစ်ပျက်ခဲ့သမျှကို လုံးဝမမှတ်မိဘဲ ပြန်လည်ပေါ်လာကတည်းက သူတို့နောက်တွင် ထူးဆန်းဆောက်တည်ဖွယ် အဖြစ်အပျက်များ လိုက်ပါလာတော့သည်။

သူတို့သည် တဖြည်းဖြည်း ပြောင်းလဲလာသည်။ နက်မှောင်သော ဆံပင်များ ဖြူဆွတ်လာပြီး အပြာရောင်မျက်လုံးများသည် နက်မှောင်လာသည်။ မည်မျှစားသော်လည်း ကိုယ်အလေးချိန် မတိုးဘဲ လူတိုင်းက သူတို့ကို ထူးဆန်းစွာ ဆွဲဆောင်ခံစားရကာ မယုံနိုင်လောက်အောင် လှပ၍ ရှင်းပြ၍မရသော အန္တရာယ်ရှိသူများအဖြစ် ခံစားကြရသည်။

ဆယ်နှစ်အကြာ ယခုအခါတွင် အသက်တစ်ဆယ့်ခုနစ်နှစ်အရွယ် Iris သည် သာမန်ဘဝတစ်ခုကို ရှာဖွေနေစဉ် အစ်မ Grey သည် ဆန်းကြယ်သော သဲလွန်စများ ချန်ထားရစ်ကာ အရိပ်အယောင်မျှမကျန် ပျောက်ဆုံးသွားသည်။ Iris နှင့် Vivi တို့သည် သူမ၏ နောက်ဆုံးနေ့ရက်များကို လိုက်လံရှာဖွေရင်း သဘာဝလွန်အရာများနှင့် ထိတွေ့လာကာ မိမိတို့၏ အတိတ်အကြောင်း ပြောပြခံခဲ့ရသမျှသည် မှားယွင်းနေသည်ကို သိရှိလာရတော့သည်။