The Little Book of Stoicism by Jonas Salzgeber

“မိမိကိုယ်ကို အကောင်းဆုံးဖြစ်အောင် ဘယ်နှစ်နှစ်ကြာအောင် စောင့်နေဦးမှာလဲ” ဆိုတဲ့ ရှေးဂရိတိုက်စတိုအိတ် ဒဿနိကဗေဒဆရာ Epictetus (အက်ပစ်တက်တပ်စ်) ရဲ့ စကားနဲ့ ဒီစာအုပ်က စတင်ပါတယ်။ ပျော်ရွှင်မှုကို ဘယ်နေရာမှာ ရှာတွေ့နိုင်မလဲ၊ စိတ်ခွန်အားကို ဘယ်လိုတည်ဆောက်မလဲ၊ ကြောက်စိတ်တွေကို ဘယ်လိုရင်ဆိုင်ရမလဲ၊ ချစ်ရသူတစ်ဦးဦးဆုံးရှုံးရတဲ့ဝမ်းနည်းမှုကို ဘယ်လိုကျော်လွှားရမလဲ၊ ထပ်ကာထပ်ကာ ပေါ်လာတတ်တဲ့ စိတ်ညစ်စရာအတွေးများကိုကော ဘယ်လိုကိုင်တွယ်ရမလဲ။

ခေတ်သစ်ပညာရေးစနစ်တွေက ဒီလိုမေးခွန်းများကို အလေးမထားကြပေမယ့် ရှေးဂရိအတွေးအခေါ်ကျောင်းများကတော့ ဒါတွေကိုပဲ အဓိကထား သင်ကြားခဲ့ကြပါတယ်—လူတစ်ယောက် ဘယ်လိုနေထိုင်ကြမလဲဆိုတာကို။ အဲဒီကျောင်းများ ကွယ်ပျောက်သွားပြီဆိုပေမယ့် ဘဝကို လမ်းညွှန်ပေးမယ့် ဒဿနိကဗေဒတစ်ခုအတွက် လူတိုင်း ယနေ့ခေတ်မှာလည်း လိုအပ်နေဆဲပါ။

Jonas Salzgeber (ယိုနပ်စ် ဆေးလ့ဇ်ဂက်ဘား) ရေးသားထားတဲ့ ဒီစာအုပ်ငယ်လေးက ဘဝထဲရောက်လာတဲ့ မည်သည့်စိန်ခေါ်မှုကိုမဆို ပိုမိုထိရောက်စွာ ကိုင်တွယ်ဖြေရှင်းနိုင်ဖို့ လက်တွေ့ကျကျ လမ်းညွှန်ပေးပါတယ်။ ရှေးခေတ်ဆင်းရာဉာဏ်ပညာနဲ့ လူတွေကို ခွန်အားပေးမယ့် အကြံဉာဏ်များကို ရောစပ်ထားတဲ့ The Little Book of Stoicism က ဒီရှုပ်ထွေးနေတဲ့ကမ္ဘာကြီးထဲမှာ တည်ငြိမ်ပြီး ဉာဏ်ပညာရှိတဲ့ ဘဝတစ်ခု ရှာဖွေနေသူတိုင်းအတွက် လမ်းညွှန်ဖြစ်စေပါလိမ့်မယ်။