How to Steal a Dog နဲ့ လူသိများတဲ့ အမေရိကန် ကလေးစာရေးဆရာမ Barbara O’Connor ရဲ့ Wish ဟာ ၂၀၁၆ မှာ ထုတ်ဝေခဲ့ပြီး အမေရိကန် ကျောင်းတွေမှာ အတန်းလိုက် ဖတ်ကြတဲ့ လူကြိုက်များ middle-grade ဝတ္ထုတစ်အုပ် ဖြစ်လာခဲ့ပါတယ်။ စာမျက်နှာ နည်းပြီး English ရိုးရှင်းပေမယ့် ကလေးတွေသာမက လူကြီးတွေကိုပါ မျက်ရည်ဝဲစေတဲ့ စာအုပ်ပါ။
Lynda Mullaly Hunt ရဲ့ Fish in a Tree ဟာ ၂၀၁၅ မှာ ထုတ်ဝေခဲ့ပြီး New York Times အရောင်းရဆုံးစာရင်း ဝင်ခဲ့ကာ အမေရိကန် ကျောင်းတွေမှာ ဆရာ၊ ဆရာမတွေ အတန်းလိုက် ဖတ်ပြလေ့ရှိတဲ့ middle grade ဝတ္ထုပါ။ ခေါင်းစဉ်ကတော့ “ငါးတစ်ကောင်ကို သစ်ပင်တက်နိုင်မှုနဲ့ တိုင်းတာရင် တစ်သက်လုံး ကိုယ့်ကိုယ်ကို တုံးတယ်လို့ ထင်နေလိမ့်မယ်” ဆိုတဲ့ Einstein ပြောခဲ့တယ်လို့ လူသိများတဲ့ စကားကနေ ယူထားတာဖြစ်ပြီး…
ကမ္ဘာတစ်ဝှမ်းမှာ အုပ်ရေ သန်းပေါင်း ၂၇၅ ကျော် ရောင်းချခဲ့ပြီး ကလေးတွေကို စာဖတ်ဝါသနာ ပေါ်စေခဲ့တဲ့ စီးရီးတွေထဲမှာ Harry Potter နဲ့ ယှဉ်လို့ရလောက်တဲ့ စီးရီးက Jeff Kinney ရဲ့ Diary of a Wimpy Kid ပါ။ စာသားနဲ့ ကာတွန်းပုံလေးတွေ ရောနှောထားလို့ စာဖတ်ဖို့ ပျင်းတတ်တဲ့ ကလေးတွေတောင် ရယ်ရင်း တစ်အုပ်လုံး ပြီးအောင် ဖတ်ကြပါတယ်။ ဒီစာအုပ်က စီးရီးရဲ့ ပထမဆုံး အုပ်ပါ။
New York Times အရောင်းရဆုံး စာရင်း နံပါတ်တစ် နှစ်ပေါင်းများစွာ ရှိခဲ့ပြီး ၂၀၁၇ မှာ Julia Roberts နဲ့ Jacob Tremblay တို့ သရုပ်ဆောင်တဲ့ ရုပ်ရှင်အဖြစ် ရိုက်ကူးခဲ့တဲ့ R. J. Palacio ရဲ့ Wonder ဟာ ကမ္ဘာတစ်ဝှမ်းက ကျောင်းတွေမှာ ကြင်နာမှု သင်ခန်းစာအဖြစ် သုံးနေကြတဲ့ စာအုပ်ပါ။ “Choose Kind” ဆိုတဲ့ လှုပ်ရှားမှုကိုတောင် မွေးဖွားစေခဲ့ပါတယ်။
ကလေးတွေကို စာဖတ်ဝါသနာ ပေါ်စေခဲ့တဲ့ စီးရီးတွေထဲမှာ Harry Potter နဲ့အတူ ယှဉ်တွဲ ပြောရလောက်တဲ့ စီးရီးက Rick Riordan ရဲ့ Percy Jackson and the Olympians ပါ။ ဂရိဒဏ္ဍာရီကို ခေတ်ပေါ် အမေရိကန် မြို့ပြဘဝထဲ ထည့်သွင်းပြီး ရယ်စရာ၊ ရင်ခုန်စရာ ရေးထားလို့ ကမ္ဘာတစ်ဝှမ်းမှာ အုပ်ရေ သန်းပေါင်း ၁၈၀ ကျော် ရောင်းချခဲ့ရပြီး ၂၀၂၃ မှာ Disney+ ဇာတ်လမ်းတွဲအဖြစ်လည်း ပြန်လည် ဖန်တီးခဲ့ပါတယ်။