၂၀၂၂ ခုနှစ်မှာ CloverWorks ရိုက်ကူးတဲ့ anime ထွက်လာပြီးနောက် Bocchi the Rock! ဟာ ဂျပန်မှာ ရုတ်တရက် ဖြစ်ပေါ်လာတဲ့ ယဉ်ကျေးမှု လှိုင်းတစ်ခု ဖြစ်သွားခဲ့ပါတယ်။ anime ထဲက သီချင်းတွေကို စုစည်းထားတဲ့ Kessoku Band အယ်လ်ဘမ်က ဂီတစာရင်းတွေမှာ ထိပ်တန်းရောက်ခဲ့ပြီး ဂစ်တာ ဝယ်သူတွေတောင် များလာတယ်လို့ ပြောကြပါတယ်။ ဒီအားလုံးရဲ့ မူရင်းကတော့ Aki Hamaji ရေးဆွဲတဲ့ Manga Time Kirara Max မဂ္ဂဇင်းက ကွက်လေးကွက်…
ဂီတကို အကြောင်းအရာ ထားတဲ့ manga တွေထဲမှာ Beck ဟာ ဂန္တဝင်လို့ ပြောရမယ့် စီးရီးပါ။ Harold Sakuishi ရေးဆွဲပြီး ဂျပန်မှာ ၁၉၉၉ ကနေ ၂၀၀၈ အထိ ထုတ်ဝေခဲ့တဲ့ ဒီစီးရီးဟာ Kodansha Manga Award ကို ရရှိခဲ့ပြီး Madhouse ရဲ့ anime နဲ့ ၂၀၁၀ ရုပ်ရှင်အဖြစ်ပါ ရိုက်ကူးခဲ့ပါတယ်။ Rock ဂီတကို ချစ်သူတွေကြားမှာ အခုထိ ပြောစမှတ် ဖြစ်နေဆဲ လက်ရာတစ်ခုပါ။
ဂီတ၊ အချစ်နဲ့ ဆုံးရှုံးမှုကို ရေးဖွဲ့ထားတဲ့ manga တွေထဲမှာ ဖတ်ပြီးသူတိုင်း ငိုကြွေးခဲ့ရတယ်လို့ ဝန်ခံကြတဲ့ စီးရီးက Naoshi Arakawa ရဲ့ Your Lie in April (Shigatsu wa Kimi no Uso) ပါ။ Kodansha Manga Award ဆုရပြီး anime ကလည်း ဂန္ထဝင် ဂီတ တီးခတ်မှုတွေကို အလှဆုံး ပုံဖော်ခဲ့လို့ နာမည်ကြီးခဲ့ပါတယ်။ အတွဲ ၁၁ တွဲနဲ့ ပြီးဆုံးပါတယ်။
ဂျပန်မှာ အုပ်ရေ သန်းပေါင်း ၅၀ ကျော် ရောင်းချခဲ့ပြီး ရုပ်ရှင်၊ anime၊ ဖက်ရှင်လောကအထိ လွှမ်းမိုးခဲ့တဲ့ Ai Yazawa ရဲ့ NANA ဟာ josei manga — အရွယ်ရောက်ပြီး အမျိုးသမီးတွေအတွက် manga — ရဲ့ ဘုရင်မလို့ ခေါ်ရမယ့် လက်ရာပါ။ ၂၀ ရာစုအကုန်က ဂျပန်လူငယ်တွေရဲ့ အချစ်၊ ဂီတ၊ သူငယ်ချင်းဖြစ်မှုကို လက်တွေ့ဆန်ဆန် ရေးထားလို့ အခုထိ ဖတ်သူတွေ ငိုကြွေးဆဲပါ။
“ချစ်တယ်” ဆိုတဲ့ စကားလုံးတစ်လုံးတည်းက လူနှစ်ယောက်အတွက် အဓိပ္ပာယ် လုံးဝ ကွဲပြားနေရင် ဘာဖြစ်မလဲ။ Eku Takeshima ရဲ့ Whisper Me a Love Song ဟာ အဲဒီ ချစ်စရာ ရှုပ်ထွေးမှုကနေ စတင်တဲ့ ဂီတနဲ့ yuri ကို ပေါင်းစပ်ထားတဲ့ manga ဖြစ်ပြီး ၂၀၂၄ မှာ anime အဖြစ် ထုတ်လွှင့်ခဲ့ပါတယ်။
ဂီတဟာ စကားနဲ့ မပြောနိုင်တဲ့ ခံစားချက်တွေကို ထုတ်ဖော်ပေးနိုင်တယ်ဆိုတာ Natsuki Kizu ရဲ့ Given ကို ဖတ်ရင် ယုံကြည်သွားပါလိမ့်မယ်။ rock band တစ်ခုအကြောင်း၊ ဆုံးရှုံးမှုကနေ ပြန်လည်ထူထောင်လာတဲ့ လူငယ်တွေအကြောင်း ရေးထားတဲ့ ဒီ BL (Boys’ Love) manga ဟာ anime စီးရီး၊ ရုပ်ရှင်နဲ့ live-action ဇာတ်လမ်းတွဲအထိ ဖန်တီးခံခဲ့ရပြီး ယနေ့ BL genre ရဲ့ အကောင်းဆုံး လက်ရာတွေထဲ ပါဝင်ပါတယ်။
ကျောင်းသူ Aya ဟာ record ဆိုင်မှာ အမြဲတွေ့ရတဲ့၊ mask တပ်ထားပြီး rock ဂီတကို ကျွမ်းကျင်စွာ ပြောတတ်တဲ့ ‘ကောင်လေး’ တစ်ယောက်ကို စိတ်ဝင်စားနေပါတယ်။ သူမ မသိတာက အဲဒီ ‘ကောင်လေး’ ဟာ ကောင်လေးမဟုတ်ဘဲ သူမရဲ့ အတန်းဖော် ကျောင်းသူ Mitsuki ဖြစ်နေတာပါ။ Mitsuki ဘက်ကလည်း ကိုယ့်အမှန်အတိုင်း ဖော်ပြရမလား၊ ဒီအတိုင်း ဆက်ထားရမလား ဝေခွဲမရ ဖြစ်နေပါတယ်။