ရုံးဝန်ထမ်း Narumi ဟာ ကိုယ့် fujoshi ဝါသနာကို လုပ်ဖော်ကိုင်ဖက်တွေ မသိအောင် အသေအလဲ ဖုံးကွယ်ထားရသူပါ။ ရုံးအသစ် ပြောင်းလိုက်တော့ ငယ်သူငယ်ချင်း Hirotaka နဲ့ ပြန်ဆုံပါတယ် — သူကတော့ ကိုယ့် gamer ဘဝကို ဘယ်တုန်းကမှ မဖုံးကွယ်ခဲ့သူပါ။ အရက်ဝိုင်းတစ်ခုအပြီးမှာ Hirotaka က ရိုးရိုးလေး အဆိုပြုလိုက်ပါတယ် — ငါနဲ့ တွဲရင် ဂိမ်းလည်း အတူဆော့လို့ရတယ်၊ ဝါသနာလည်း ဖွက်စရာမလိုဘူး တဲ့။
Wotakoi ရဲ့ ထူးခြားချက်က ဇာတ်ကောင်တွေ အားလုံး လူကြီးတွေ ဖြစ်နေတာပါ။ ကျောင်းသားချစ်ဇာတ်လမ်းတွေမှာ တွေ့နေကျ ရင်ခုန်စရာ အထင်အမြင်လွဲမှုမျိုး မဟုတ်ဘဲ၊ အလုပ်ပန်းလာတဲ့ ညနေခင်းတွေမှာ အတူ ဂိမ်းဆော့ရင်း၊ manga အသစ်ထွက်တဲ့နေ့ အတူတန်းစီရင်း ဖြည်းဖြည်းချင်း နီးစပ်လာကြတဲ့ ပုံစံပါ။
ဟာသကလည်း otaku ယဉ်ကျေးမှုကို သိသူတွေအတွက် သီးသန့် ချိန်ထားသလိုပါပဲ — ဂိမ်း reference တွေ၊ convention သွားတဲ့ အခန်းတွေ၊ ဝါသနာချင်း မတူတဲ့ စုံတွဲနှစ်တွဲရဲ့ ကွဲပြားမှုတွေက ဖတ်ရင်း ပြုံးနေရပါတယ်။
အချစ်ဇာတ်လမ်းဆိုပေမယ့် စိတ်ဖိစီးမှု လုံးဝမရှိတဲ့ စာအုပ်မျိုးပါ။ တစ်နေ့တာ ပင်ပန်းပြီးချိန်မှာ ဖတ်ဖို့ အသင့်တော်ဆုံးလို့ ဆိုရပါမယ်။
ဒါက ပထမတွဲပါ။ Anime ကြည့်ဖူးပြီး မူရင်းကို ဖတ်ချင်နေသူတွေလည်း ဒီကနေ စနိုင်ပါတယ်။
Junction City စတုတ္ထထပ် · 09 698 706 533
နေ့စဉ် နံနက် ၉:၀၀ – ည ၇:၀၀