Charlie ဟာ ကျောင်းမှာ out ဖြစ်ပြီးသား တစ်ဦးတည်းသော ကျောင်းသားအဖြစ် ခက်ခဲတဲ့ နှစ်တစ်နှစ်ကို ဖြတ်သန်းခဲ့ရသူပါ။ နှစ်သစ်မှာ rugby ကစားသမား Nick နဲ့ ဘေးချင်းကပ် ထိုင်ရပါတယ်။ နှစ်ယောက်ဟာ လုံးဝမတူတဲ့ လောကနှစ်ခုက လာကြပေမယ့် သူငယ်ချင်း ဖြစ်လာကြပြီး၊ Charlie ကတော့ မဖြစ်နိုင်မှန်းသိရဲ့သားနဲ့ Nick ကို ကြိုက်မိနေပါပြီ။ ဒါပေမယ့် အချစ်ဆိုတာ တစ်ခါတလေ ကိုယ်ထင်တာထက် ပိုရှုပ်ထွေးပြီး၊ ပိုလည်း ရိုးရှင်းတတ်ပါတယ်။
Alice Oseman ရဲ့ Heartstopper ဟာ webcomic ကနေ စခဲ့ပြီး၊ Netflix series ဖြစ်လာတဲ့အခါ ကမ္ဘာတစ်ဝှမ်း ပရိသတ်သန်းချီ ရသွားခဲ့ပါတယ်။ ဒါပေမယ့် မူရင်း graphic novel ရဲ့ အရသာက သီးသန့်ပါ — မင်တစ်ချောင်းတည်းနဲ့ ဆွဲထားတဲ့ ရိုးရှင်းတဲ့ ပုံတွေထဲမှာ ခံစားချက်တွေက ပိုပြီး ကြည်လင်ပါတယ်။
ဒီစာအုပ်ကို ချစ်စရာကောင်းစေတာက သူ့ရဲ့ ရိုးသားမှုပါ။ ကြီးကြီးကျယ်ကျယ် ဇာတ်ကွက်တွေ မရှိဘဲ စာသင်ခန်းက စကားလေးတွေ၊ messenger ထဲက စာတိုတွေ၊ လက်ချင်းထိမိတဲ့ ခဏလေးတွေနဲ့ ဇာတ်လမ်းက ရှေ့ဆက်ပါတယ်။
အချစ်ဇာတ်လမ်းသက်သက်ထက် ကိုယ့်ကိုယ်ကို လက်ခံခြင်း၊ သူငယ်ချင်းကောင်းတွေရဲ့ တန်ဖိုးအကြောင်းလည်း ဖြစ်လို့ လူငယ်ရော လူကြီးပါ ဖတ်သင့်ပါတယ်။
ဒါက Vol.1 ပါ။ Netflix ဇာတ်လမ်း ကြည့်ပြီးသူဆိုရင် မူရင်းစာအုပ်ထဲက အသေးစိတ်တွေက ပိုချိုမြိန်ပါလိမ့်မယ်။
Junction City စတုတ္ထထပ် · 09 698 706 533
နေ့စဉ် နံနက် ၉:၀၀ – ည ၇:၀၀