မီးတောင်ခြေရင်းက ရွာလေးတစ်ရွာဆီ အမျိုးသမီးတစ်ယောက် ရောက်လာပါတယ်။ အဲဒီရွာမှာ လူတွေရဲ့ ဆံပင်ဟာ ရွှေရောင်တောက်နေပြီး၊ မိုးကောင်းကင်က အလင်းတန်းတွေနဲ့ ထူးဆန်းတဲ့ ဆက်သွယ်မှုတစ်ခု ရှိနေပါတယ်။ ဒါဟာ Junji Ito ရဲ့ Sensor ရဲ့ အစပါ — ပြီးရင်တော့ ဇာတ်လမ်းဟာ မီးတောင်၊ ယုံကြည်မှု၊ ပြီးတော့ စကြဝဠာရဲ့ အစွန်းအထိ ချဲ့ထွက်သွားပါတယ်။
Junji Ito ကို သိပြီးသားဆိုရင် သူ့ရဲ့ horror က တစ္ဆေခြောက်တာမျိုး မဟုတ်ဘူးဆိုတာ သိပါလိမ့်မယ်။ သူက လူ့အသိရဲ့ အလွန်က အရာတွေ — အဆုံးမရှိတဲ့ အာကာသ၊ နားမလည်နိုင်တဲ့ ပုံသဏ္ဌာန်တွေ — နဲ့ ခြောက်တာပါ။ Sensor မှာ အဲဒီ cosmic horror အရသာက အပြည့်ပါ။
ပုံဆွဲမှုကတော့ ပြောစရာမလိုအောင်ပါပဲ။ ရွှေရောင်ဆံပင်တွေ လွင့်နေတဲ့ မြင်ကွင်းတွေ၊ မီးတောင်ချော်ရည်ထဲက အရိပ်တွေ — လှတယ်လို့ ပြောရမလား၊ ကြောက်တယ်လို့ ပြောရမလား မသိတဲ့ စာမျက်နှာတွေ တစ်အုပ်လုံးမှာ ပြည့်နေပါတယ်။
အားသာချက်တစ်ခုက ဒါဟာ တစ်အုပ်တည်း ပြီးတဲ့ စာအုပ်ဖြစ်နေတာပါ။ Junji Ito ကို စဖတ်ချင်ပေမယ့် Uzumaki လို စီးရီးကြီးတွေကနေ မစချင်သေးရင် Sensor က အကောင်းဆုံး တံခါးဝပါ။
ဆိုင်မှာ Junji Ito ရဲ့ တခြားလက်ရာတွေလည်း ရှိပါတယ်။ ညဘက် တစ်ယောက်တည်း မဖတ်ဖို့တော့ သတိပေးပါရစေ။
Junction City စတုတ္ထထပ် · 09 698 706 533
နေ့စဉ် နံနက် ၉:၀၀ – ည ၇:၀၀