Jonathan Strange & Mr Norrell ရဲ့ စာရေးဆရာမ Susanna Clarke ရဲ့ Piranesi ဟာ ၂၀၂၁ Women’s Prize for Fiction ဆုရခဲ့ပြီး စာမျက်နှာ နှစ်ရာကျော်သာ ရှိပေမယ့် ဖတ်ပြီးသူတိုင်း “ဘယ်စာအုပ်နဲ့မှ မတူဘူး” လို့ ပြောကြတဲ့ ထူးခြားတဲ့ ဝတ္ထုပါ။ အကြောင်းအရာကို သိပ်မသိဘဲ ဖတ်တာ အကောင်းဆုံး ဖြစ်လို့ ဒီမှာ အနည်းငယ်သာ မိတ်ဆက်ပေးပါမယ်။
CD Projekt Red ရဲ့ ကမ္ဘာကျော် ဂိမ်း The Witcher 3 နဲ့ Netflix ဇာတ်လမ်းတွဲ The Witcher ကို ချစ်သူတိုင်း မူရင်းကို ဖတ်သင့်ပါတယ် — ပိုလန် စာရေးဆရာကြီး Andrzej Sapkowski ရဲ့ The Last Wish ပါ။ Witcher စီးရီးကို စတင်ဖတ်ဖို့ အကောင်းဆုံး စာအုပ်ဖြစ်ပြီး ဇာတ်လမ်းတိုတွေ စုစည်းထားပါတယ်။
ဖတ်ရင်း မှော်ဆန်တဲ့ အိပ်မက်ထဲ ရောက်နေသလို ခံစားရတဲ့ စာအုပ်တစ်အုပ်ကို ရှာနေရင် Erin Morgenstern ရဲ့ The Night Circus ဟာ အကောင်းဆုံး အဖြေပါ။ ၂၀၁၁ မှာ ထုတ်ဝေခဲ့ပြီး ဘာသာစကား ၃၇ ခုနဲ့ ထုတ်ဝေကာ ကမ္ဘာတစ်ဝှမ်းမှာ fantasy ချစ်သူတွေရဲ့ “အလှဆုံး ဝတ္ထု” စာရင်းမှာ အမြဲ ပါနေပါတယ်။
လပြည့်ညတွေမှာ လမင်းကို ကြည့်ပြီး မုန့်လုံးစားရင်း တရုတ်ရိုးရာ Chang’e လမင်းနတ်သမီး ဒဏ္ဍာရီကို ကြားဖူးကြပါလိမ့်မယ်။ Sue Lynn Tan ရဲ့ Daughter of the Moon Goddess ဟာ အဲဒီ ဒဏ္ဍာရီကို အခြေခံပြီး နတ်သမီးရဲ့ သမီးတစ်ယောက်အကြောင်း စိတ်ကူးယဉ်ထားတဲ့ နိုင်ငံတကာ အရောင်းရဆုံး fantasy ဝတ္ထုပါ။ Celestial Kingdom duology ရဲ့ ပထမစာအုပ် ဖြစ်ပါတယ်။
Your Name ရဲ့ ဖန်တီးရှင် Makoto Shinkai ဟာ ရုပ်ရှင်တိုင်းကို သူကိုယ်တိုင် ဝတ္ထုအဖြစ်ပါ ရေးသားလေ့ ရှိပါတယ်။ ၂၀၁၉ ရုပ်ရှင် Weathering With You (Tenki no Ko) ရဲ့ ဒီ light novel ဗားရှင်းဟာ ရုပ်ရှင်ထဲမှာ မဖော်ပြနိုင်ခဲ့တဲ့ ဇာတ်ကောင်တွေရဲ့ အတွင်းစိတ်၊ နောက်ခံဇာတ်လမ်းတွေကို ပိုအသေးစိတ် ဖော်ပြထားလို့ ရုပ်ရှင် ကြည့်ပြီးသူတွေအတွက် ပိုလို့ တန်ဖိုးရှိပါတယ်။
Hayao Miyazaki ရဲ့ ၂၀၀၄ Studio Ghibli ရုပ်ရှင် Howl’s Moving Castle ကို ကြည့်ဖူးသူ အများအပြားက မူရင်းဝတ္ထုရှိမှန်း မသိကြပါဘူး။ ဗြိတိသျှ စာရေးဆရာမ Diana Wynne Jones ရဲ့ ၁၉၈၆ ခုနှစ် ဒီဝတ္ထုဟာ ရုပ်ရှင်နဲ့ ဇာတ်လမ်းအချို့ ကွဲပြားပြီး ပိုရယ်စရာ၊ ပိုစိတ်ကူးဉာဏ် ပြည့်ဝကာ ကလေးလူကြီး မရွေး ဖတ်လို့ကောင်းတဲ့ ဂန္ထဝင် fantasy ပါ။
နဂါးသတ်ပြီး မင်းသမီးကယ်တဲ့ သူရဲကောင်းဇာတ်လမ်းတွေနဲ့ မတူဘဲ ဘာရည်ရွယ်ချက်မှ မရှိဘဲ ကမ္ဘာကို လှည့်လည်ကြည့်ရှုတဲ့ စုန်းမလေးတစ်ယောက်ရဲ့ ခရီးသွားမှတ်တမ်းကို ဖတ်ချင်ဖူးသလား။ Jougi Shiraishi ရဲ့ Wandering Witch: The Journey of Elaina ဟာ အဲဒီလို ပေါ့ပါးပြီး တစ်ခါတစ်ရံ ရင်နာစရာ ကောင်းတဲ့ fantasy light novel ဖြစ်ပြီး ၂၀၂၀ anime အဖြစ်လည်း ထုတ်လွှင့်ခဲ့ပါတယ်။
ဆိုင်မှာ Re:ZERO ရဲ့ နောက်ပိုင်းအတွဲတွေကို စုဆောင်းသူ အများကြီး ရှိပေမယ့် ဇာတ်လမ်းတစ်ခုလုံး စတင်ရာ ပထမအတွဲကို မဖတ်ရသေးသူတွေလည်း ရှိပါတယ်။ Tappei Nagatsuki ရဲ့ ဒီ light novel ဟာ isekai genre ကို ပျော်စရာ စွန့်စားခန်းကနေ စိတ်ပိုင်းဆိုင်ရာ ဒုက္ခနဲ့ ရင်ဆိုင်ရတဲ့ ဇာတ်လမ်းအဖြစ် ပြောင်းလဲခဲ့ပြီး anime ကြောင့် ကမ္ဘာ့အကျော်ကြားဆုံး isekai တွေထဲ ပါဝင်ပါတယ်။
isekai ဇာတ်လမ်းတွေထဲမှာ ဇာတ်လိုက်တွေဟာ သူရဲကောင်း၊ မင်းသား၊ slime အဖြစ်တောင် ပြန်မွေးလာဖူးပါပြီ။ Okina Baba ရဲ့ So I’m a Spider, So What? မှာတော့ ပင့်ကူ ဖြစ်လာပါတယ် — ပိုဆိုးတာက ကမ္ဘာ့အန္တရာယ် အများဆုံး ဂူထဲက ကိုယ့်မိခင်ကိုယ်တိုင်က ကလေးတွေကို စားတတ်တဲ့ ဘီလူးပင့်ကူ မျိုးနွယ်ပါ။ light novel၊ manga၊ anime အဖြစ် ရေပန်းစားခဲ့တဲ့ ဒီစီးရီးက ဟာသနဲ့ ရှင်သန်ရေးကို ပေါင်းစပ်ထားပါတယ်။
Harry Potter လို မှော်ကျောင်းကမ္ဘာထဲကို One-Punch Man ရဲ့ Saitama ရောက်သွားရင် ဘာဖြစ်မလဲ။ Hajime Komoto ရဲ့ Mashle: Magic and Muscles ဟာ အဲဒီ ရယ်စရာ စိတ်ကူးကို manga အဖြစ် ပြောင်းထားတာပါ။ anime နှစ်ရာသီ ထွက်ခဲ့ပြီး opening သီချင်း “Bling-Bang-Bang-Born” က TikTok ပေါ်မှာ ကမ္ဘာတစ်ဝှမ်း ပေါက်ကွဲခဲ့ပါတယ်။