ခေါင်းစဉ်ကြောင့် အထင်မလွဲပါနဲ့ — Sherry Argov ရဲ့ ဒီစာအုပ်က ဆိုးမိုက်ခိုင်းတဲ့ စာအုပ် မဟုတ်ပါဘူး။ သူ့အဓိပ္ပာယ်ဖွင့်ဆိုချက်ထဲက ‘bitch’ ဆိုတာ ကိုယ့်ဘဝကိုယ် ပိုင်တဲ့၊ ချစ်သူ့အတွက် ကိုယ့်ကိုယ်ကို မပျောက်ခံတဲ့၊ လိုအပ်ရင် no လို့ ပြောရဲတဲ့ မိန်းမလို့ ဆိုပါတယ်။ စာအုပ်တစ်အုပ်လုံးက အဲဒီ self-respect အကြောင်းပါ။
Bridget ဟာ ပုံမှန်ဘဝကို တမ်းတနေတဲ့ မင်းသမီးတစ်ပါးပါ။ Rhys ကတော့ စကားနည်းပြီး စည်းကမ်းတင်းကျပ်တဲ့ သူမရဲ့ ကိုယ်ရံတော်အသစ်ပါ။ နှစ်ယောက်ကြားက စကားများတာကနေ စတဲ့ ဆက်ဆံရေးဟာ တစ်ဖြည်းဖြည်း တခြားတစ်ခုခု ဖြစ်လာပေမယ့်၊ ရာထူးအရရော နန်းတွင်းစည်းမျဉ်းအရရော ဒါဟာ ဘယ်လိုမှ ဖြစ်လို့မရတဲ့ အချစ်ပါ။ ထီးနန်းက ရွေးခိုင်းလာတဲ့အခါ Bridget မှာ ဘာစွန့်ရမလဲဆိုတဲ့ မေးခွန်းက ဇာတ်လမ်းရဲ့ အချက်အခြာပါ။
Jenna Chen ဟာ ဘယ်လောက်ကြိုးစားကြိုးစား သူ့ဝမ်းကွဲ Jessica Chen ရဲ့ အရိပ်ထဲကနေ မထွက်နိုင်ပါဘူး။ Jessica က ကျောင်းရဲ့ ထိပ်ဆုံး၊ မိဘတွေရဲ့ ဂုဏ်ယူစရာ၊ Harvard လက်မှတ်ရပြီးသား perfect မိန်းကလေးပါ။ တစ်ညမှာ Jenna က စိတ်ထဲကနေ ဆုတောင်းမိပါတယ် — Jessica သာ ဖြစ်ချင်လိုက်တာ။ နောက်နေ့မနက် နိုးလာတော့ သူဟာ Jessica ရဲ့ ခန္ဓာထဲမှာပါ။ ဒါပေမယ့် တစ်ခြားသူရဲ့ ဘဝဆိုတာ အပြင်ကမြင်ရသလို မဟုတ်ဘူးဆိုတာ…
Nora Seed ဟာ ဘဝမှာ နောင်တတွေချည်း ပြည့်နေသူပါ — စွန့်လွှတ်ခဲ့တဲ့ တေးဂီတဘဝ၊ ငြင်းခဲ့တဲ့ စေ့စပ်ကြောင်းလမ်းမှု၊ မသွားဖြစ်ခဲ့တဲ့ နိုင်ငံခြားခရီး။ အဆိုးဆုံးညတစ်ညမှာ သူမဟာ ဘဝနဲ့ သေခြင်းကြားက စာကြည့်တိုက်တစ်ခုထဲ ရောက်သွားပါတယ်။ စင်ပေါ်က စာအုပ်တစ်အုပ်ချင်းစီဟာ သူမ မရွေးခဲ့တဲ့ လမ်းတွေဆီက ဘဝတွေပါ — ဖွင့်လိုက်တိုင်း အဲဒီဘဝထဲ ဝင်ကြည့်လို့ရပါတယ်။
St Petersburg ရဲ့ နွေရာသီညတွေမှာ ကောင်းကင်ဟာ အမှောင်မကျဘဲ မီးခိုးဖျော့ရောင်နဲ့ လင်းနေတတ်ပါတယ် — အဲဒါကို white nights လို့ ခေါ်ပါတယ်။ အဲဒီညမျိုးတစ်ညမှာ အထီးကျန်တတ်တဲ့ လူငယ်တစ်ယောက်ဟာ မြစ်ကမ်းနားမှာ ငိုနေတဲ့ Nastenka ကို တွေ့ပြီး ည လေးညကြာ စကားပြောဖြစ်ကြပါတယ်။ သူက သူမကို ချစ်မိသွားပေမယ့် သူမမှာတော့ ပြန်လာမယ်လို့ ကတိပေးထားသူတစ်ယောက် စောင့်နေဆဲပါ။
TikTok မှာ viral ဖြစ်ခဲ့တဲ့ Laurie Gilmore ရဲ့ Dream Harbor cozy romance စီးရီး Book 1–6 အစုံ Yangon Book Shop မှာ ရောက်ရှိနေပါပြီ — တစ်အုပ်ကို 21,000 Ks။