၁၉၈၄ မှာ ပထမဆုံး ထုတ်ဝေခဲ့ပြီး ကမ္ဘာတစ်ဝှမ်း အုပ်ရေ သန်းပေါင်းများစွာ ရောင်းချကာ marketing၊ အရောင်း၊ ညှိနှိုင်းရေး နယ်ပယ်တွေရဲ့ “သမ္မာကျမ်းစာ” လို့ ခေါ်ကြတဲ့ Robert B. Cialdini ရဲ့ Influence ဟာ လူတွေ ဘာကြောင့် “ဟုတ်ကဲ့” လို့ ပြောမိကြသလဲဆိုတဲ့ စိတ်ပညာကို ရှင်းပြတဲ့ စာအုပ်ပါ။ Fortune မဂ္ဂဇင်းက “စီးပွားရေး စာအုပ် အကောင်းဆုံး” စာရင်းမှာ ထည့်သွင်းခဲ့ပါတယ်။
Arizona State University က စိတ်ပညာ ပါမောက္ခ Cialdini ဟာ ကိုယ်တိုင် အရောင်းသမားတွေ၊ အလှူခံသူတွေ၊ ကြော်ငြာ ကုမ္ပဏီတွေရဲ့ လှည့်ကွက်တွေကို “အလွယ်တကူ ယုံလွယ်တဲ့သူ” ဖြစ်ခဲ့လို့ စိတ်ဝင်စားလာကာ နှစ်ပေါင်း သုံးနှစ်လောက် အဲဒီ လုပ်ငန်းတွေထဲ ဝင်ရောက် လေ့ကျင့်ရင်း လျှို့ဝှက်စွာ လေ့လာခဲ့ပါတယ်။ ရလဒ်အနေနဲ့ လူတွေ စဉ်းစားစရာ မလိုဘဲ အလိုအလျောက် တုံ့ပြန်မိစေတဲ့ စိတ်ပညာ အခြေခံမူ ခြောက်ခုကို ရှာဖွေတွေ့ရှိခဲ့ပါတယ်။
အဲဒီ မူ ခြောက်ခုကတော့ — တစ်ခုခု ရထားရင် ပြန်ပေးချင်စိတ် ဖြစ်စေတဲ့ Reciprocity၊ တစ်ခါ ကတိပေးပြီးရင် ဆက်ညီညွတ်အောင် နေချင်တဲ့ Commitment and Consistency၊ လူအများ လုပ်တာကို မှန်တယ်လို့ ယူဆတဲ့ Social Proof၊ ကိုယ်ကြိုက်တဲ့သူကို “ဟုတ်ကဲ့” ပြောလွယ်တဲ့ Liking၊ ယူနီဖောင်း၊ ရာထူး ရှိသူကို နာခံတတ်တဲ့ Authority နဲ့ “နောက်ဆုံး နှစ်ခုပဲ ကျန်တော့တယ်” ဆိုရင် ပိုလိုချင်လာတဲ့ Scarcity တို့ပါ။ ၂၀၂၁ ထုတ် ဗားရှင်းသစ်မှာ “ကိုယ်တို့အုပ်စု” စိတ်ကို အခြေခံတဲ့ Unity ကို သတ္တမမူအဖြစ် ထပ်ထည့်ခဲ့ပါတယ်။ မူတစ်ခုချင်းစီအတွက် ဒီလှည့်ကွက်ကို ဘယ်လို ခုခံကာကွယ်ရမလဲဆိုတာလည်း ရေးထားပါတယ်။
ဒီစာအုပ်ဟာ နှစ်ဖက်စလုံးအတွက် အသုံးဝင်ပါတယ် — ကိုယ့်လုပ်ငန်းကို ရိုးသားစွာ ဆွဲဆောင်ချင်တဲ့ စီးပွားရေးသမားအတွက်ရော၊ ဈေးဝယ်ရင်း၊ ကြော်ငြာကြည့်ရင်း၊ လိမ်လည်မှုတွေကြားမှာ ကိုယ့်ကိုယ်ကို ကာကွယ်ချင်တဲ့ စားသုံးသူအတွက်ရောပါ။ ရယ်စရာ ဇာတ်လမ်းတွေ၊ စမ်းသပ်မှု ရလဒ်တွေနဲ့ ရေးထားလို့ စိတ်ပညာ စာအုပ်လို မခြောက်သွေ့ဘဲ ဖတ်ရတာ ပျော်စရာပါ။
Marketing၊ အရောင်း၊ လူမှုမီဒီယာ လုပ်ငန်းရှင်၊ Thinking, Fast and Slow ဖတ်ပြီးသားသူ၊ How to Win Friends & Influence People ကြိုက်သူ၊ “ဘာလို့ ဒါကို ဝယ်မိပါလိမ့်” လို့ တွေးဖူးသူတိုင်းအတွက် ဒီစာအုပ်က သင့်တော်ပါတယ်။
Junction City စတုတ္ထထပ် · 09 698 706 533
နေ့စဉ် နံနက် ၉:၀၀ – ည ၇:၀၀